मकवानपुर – मकवानपुरको बाग्मती गाउँपालिकामा गएको पहिरोमा बेपत्ता भएकामध्ये दुई जनाको शव फेला परेको छ ।
बाग्मती गाउँपालिका वडा नम्बर ५ सिग्रेदोभानमा हिजो मङ्गलवार बिहान गएको पहिरोमा परेर बेपत्ता भएका अक्कलबहादुर स्याङ्तान र उहाँकी २२ वर्षकी छोरी शीलाकाे शव १० किलोमिटर टाढा सिन्धुलीको हरिहरपुरगढीमा रहेको बाग्मती नदी बगरमा फेला परेको जिल्ला प्रहरी कार्यालय मकवानपुरले जनाएको छ ।
पहिरोमा परेका अझै तीन जना बेपत्ता रहेका छन् । हराइरहेकामा अक्कलबहादुरका २५ वर्षका ज्वाइँ जीवन पहरी, चार वर्षका नाति मिलन र डेढ...
