अत्तरियामा टीभीएसको नयाँ शो रुम, टीभीएस रेडर सार्वजनिक

कैलालीको अत्तरियामा टीभीएस सोरुम

काठमाडौं (अस) । शंकर गु्रपअन्तर्गतको जगदम्बा मोटर्स प्रालिले कैलालीको अत्तरियामा सेल्स, सर्भिस एन्ड स्पेयर्स ( थ्री एस) सहितको सोरुम बागेश्वरी मल्टी मोटर्स उद्घाटन गरेको छ । ‘ग्राहक सुविधाका लागि टीभीएसको थ्रीएस सुविधासम्पन्न नयाँ सोरुम अत्तरियामा खोलेका हौं । नयाँ सोरुमले टीभीएसका बाइक तथा स्कुटर खरिदका साथै सर्भिसमा समेत ग्राहकलाई थप सहजता प्रदान गर्नेछ,’ बागेश्वरी मल्टी मोटर्सका प्रबन्ध निर्देशक प्रेम साउदले भने । कम्पनीले कार्यक्रममार्फत युवा लक्षित १ सय २५ सीसी श्रेणीअन्तर्गतको अत्याधुनिक फिचर्सको नयाँ मोटरसाइकल टीभीएस रेडर पनि सार्वजनिक गरेको छ । टीभीएस रेडर मोटरसाइकल सार्वजनिक कार्यक्रममा सप्तरंग ३ का गायक रामकृष्ण ढकाल, अनिल सिंह, प्रमोद खरेल, बद्री पंगेनी, गायिका मिलन नेवार, अस्मिता अधिकारी, हाँस्य कलाकार राजा राजेन्द्र पोखरेललगायत उपस्थित थिए । युवा लक्षित स्पोर्टी मोटरसाइकलमा एलसीडी डिजिटल स्पिडोमिटर, थ्रीभी आइटच स्टार्ट, एनिमलिस्टिक एलईडी हेडल्याम्पजस्ता फस्र्ट–ईन–क्लास फिचर्सका साथै फर्स्ट–ईन–सेग्मेन्ट अन्डर सिट स्टोरेज पनि उपलब्ध छन् । उद्घाटन कार्यक्रममा कैलाली गोदावरी नगरपालिका उपप्रमुख  रत्ना कदायर उपस्थित थिए । उद्योग वाणिज्य संघ अत्तरियाका अध्यक्ष अशोक देवकोटा, वडाध्यक्ष शर्मानन्द भट्ट, अत्तरिया प्रहरी कार्यालयका प्रहरी नायब उपरीक्षक नवराज पोखरेल, अत्तरिया ट्राफिक प्रमुख वामदेव गौतम, टीभीएस मोटर्स कम्पनीका कन्ट्री हेड दीपक मक्कर, जगदम्बा मोटर्सका उप–सभापति, निर्देशक दीपककुमार अग्रवाल, जगदम्बा मोटर्सका बिक्री महाप्रबन्धक दीपक रौनियारको पनि उपस्थिति थियो ।