असार १, लन्डन (बेलायत) । बेलायत र अष्ट्रेलिया बीच व्यापार सम्झौता भएको छ ।
बेलायती प्रधानमन्त्री बोरिस जोन्सन र उनका अष्ट्रेलियाली समकक्षी स्कट मरिसनले सम्झौतामा सहमति गरेका हुन् ।
नयाँ सम्झौतापछि कार, स्कच ह्विस्की, बिस्कुट र सेरामिक जस्ता बेलायती सामानहरु विक्रीका लागि सस्तोमा अष्ट्रेलिया पुग्नेछ । यद्यपि मूल्य र स्तरमा कमी आउने हो कि भन्ने चिन्ता बेलायती किसानहरुको छ ।
बेलायतले यूरोपेली संघ (ईयू) छाडेपछिको दुई पक्ष बीचको यो पहिलो सम्झौता हो । एशिया प्रशान्त स्वतन्त्र व्यापार सम्झौतामा बेलायतको सहभागितातर्फ यसलाई महत्वपूर्ण कदमका रुपमा हेरिएको छ । एजेन्सी
