पूर्व अर्थसचिव शंकर अधिकारीले नियामक निकायको नकारात्मक
मनोविज्ञान र अज्ञानताका कारण पूँजीबजार असफल भएको टिप्पणी गरेका छन् ।नेपाल उद्योग वाणिज्य महासंघले शुक्रबार आयोजना गरेको
परिपक्व पुँजी बजार सम्मेलनको
उद्घाटन
सत्रमा बोल्दै अधिकारीले यस्तो बताएका हुन् । 'पूँजीबजारको नियामकमा ज्ञानको कमी छ । पूँजीबजारमा गलत
नीति ल्याइएको छ । अर्थतन्त्रमा २० प्रतिशत लेन्डिङ बढ्यो तर वृद्धि जम्मा ४
प्रतिशत मात्र भो । यसो हुँदा सरकारले चाहिँ लगानी उत्पादक क्षेत्रमा गएन भन्ने
सोच्यो,' अधिकारीले भने । उनले नेपाल राष्ट्र बैंकले ४ र १२ को अनुपातको अध्ययन नै नगरेको
आरोप लगाए । 'पूँजीबजारको नीति नीति हचुवामा आयो,' उनले भने, 'मार्केट बढ्यो भने
नियामक चिन्तित हुन थाले । घट्दा चिन्तित भएनन् । अर्थमन्त्रालयमा पूँजीबजारको सिन
नै आउँदैन । केही क्रिटिकल केस भयो भने मात्र छलफल हुन्छ ।'उनले बजारमा परिपक्वता नभएको बताए । बजारको प्राविधिक
विश्लेषण पनि फेल भइसकेको उनको दाबी छ । 'मार्केटमा म्याचुरिटी छैन । अहिले टेक्निकल
एनालाइसिस नै फेल भइसक्यो,' उनले भने, 'रेगुलेटरको नीति कै कारण टेक्निकल
एनालाइसिस फेल भएको हो । केही मान्छेले कमायो भनेर सरकारमा बस्नेहरूको स्कूलिङ नै
गलत भयो ।'
अधिकारीले मार्केटलाई फेयर अपरेसन गर्न रेगुलेटरलाई सचेत गराउनुपर्ने
बताए । यसो गर्दा समस्याहरू समाधान हुँदै जाने उनको भनाइ छ । 'पूँजीबजार तलमाथि
हुने कुरा प्राकृतिक हो, यही नै यसको सुन्दरता हो,' उनले भने, 'तर नियामकको अज्ञानताका
कारण मार्केट बढ्दा गलत नीति हचुवाको तालमा आयो । नियामक निकाय परिपक्क छैन ।
नकारात्मक मनोविज्ञान र अज्ञानताका कारण नियामक निकाय फेल भयो ।'