काठमाडौं (अस) । राष्ट्र बैंकले सेन्ट्रल फाइनान्सलाई भुक्तानी सेवाप्रदायकसम्बन्धी काम गर्न अनुमति दिएको छ । अनुमतिपछि कम्पनीले बचतकर्ता÷ग्राहकका लागि आफ्नै मोबाइल बैंकिङ एपमार्फत मोबाइल बैंकिङ सेवा सञ्चालन गर्नेछ । ग्राहकले गुगलको प्ले स्टोर तथा एप्पल एप स्टोरबाट मोबाइल बैंकिङ एप डाउन लोड गर्न सक्नेछन् । संस्थाले डेबिट कार्ड, एसएमएस बैंकिङ, चेक क्लियरिङ, आईपीएस, कनेक्ट आईपीएस, रेमिट्यान्स तथा सी–आस्बाजस्ता आधुनिक बैंकिङ सेवा प्रदान गर्दै आएको छ । हाल कम्पनीले १५ शाखाबाट बैंकिङ कारोबार गर्दै आएको छ ।