काठमाडौं । एन्ड्रोइड टीभी ब्राण्ड टीसीएलले फागुन १५ देखि सीमित अवधिका लागि निःशुल्क एसी सर्भिस तथा एक्सचेन्ज क्याम्प सञ्चालनमा ल्याएको छ । यस योजनाअन्तर्गत ग्राहकले कुनै पनि ब्रान्डको एसी निःशुल्क मर्मतका साथै जुनसुकै अवस्थाको पुरानो एसी टीसीएलको नयाँ एसीसँग साट्न सक्नेछन् । क्याम्पमा एसीको मर्मत गर्दा स्पेयर पार्ट्समा ५० प्रतिशतसम्म र नयाँ टीसीएल एसी खरीद गर्दा २५ प्रतिशतसम्मको छूट पाइने कम्पनीले जानकारी दिएको छ । नयाँ टीसीएल एसीमा ५ वर्षको वारेण्टी रहेको छ । टीसीएल ब्राण्डको आधिकारिक विक्रेता सिजी इलेक्ट्रोनिक्स रहेको छ । कम्पनीले सिजी डिजिटल शोरुम तथा विक्रेता सञ्जालमार्फत सेवा दिँदै आएको छ ।
