नेपाली कांग्रेस समानुपातिक प्रणालीतर्फ उम्मेदवारको बन्दसूची बनाउने अन्तिम तयारीमा छ । कांग्रेसका ८ जना सहमहामन्त्रीले मातहतका समितिबाट केन्द्रमा सिफारिस भएर आएका उम्मेदवारको नाम क्लस्टर अनुसार सूचीकृत गरेर प्रतिवेदन बुझाएका हुन् । शुक्रबार प्रधानमन्त्रीको सरकारी निवास बालुवाटारमा बसेको शीर्ष नेताको बैठकमा सहमहामन्त्रीहरुले समानुपातिकतर्फ प्रतिनिधि र प्रदेशसभाका लागि सिफारिस भएकाहरुको नाम छुट्याएर बुझाएका छन् ।सहमहामन्त्री बद्री पाण्डले भने, 'हामीले क्लस्टरको अलग अलग सूची बनाएका थियौं ।