रुकुममा पहिरो खस्दा मध्यपहाडी लोकमार्ग अवरुद्ध भएको छ । रुकुम पूर्वको सिस्ने गाउँपालिका ५ रानीकोटमा पहिरो खस्दा मध्यपहाडी लोकमार्ग अवरुद्ध भएको हो ।सडकमा पहिरो खसेपछि जिल्ला भित्रिने सवारी साधन र यात्रुहरु बीचमै अलपत्र परेका छन् । सडक खुलाउनका लागि बिहानैदेखि दुईवटा मेसिन प्रयोग भएका छन् । ठूलो पहिरो झरेकोले सडक खुल्न नसकेको कालिका कन्स्ट्रक्सनका सुपरभाइजर प्रकाश शाहीले जानकारी दिए ।
