काठमाण्डाै – एएफसी एसियन कप छनोट अन्तर्गत तेस्रो चरणमा नेपाल समूह 'ए' मा परेको छ ।
एएफसीले आज बिहीवार सार्वजनिक गरेको तालिकाअनुसार कुवेत, इन्डोनेसिया र जोर्डनसहित नेपाल समूह 'ए' मा परेको हो । नेपालले जुन ८ मा जोर्डन, जुन ११ मा कुवेत र जुन १४ मा इन्डोनेसियासँग खेल्नेछ ।
आउँदो जुन महिनादेखि कुवेतमा हुने छनोटमा २४ देशलाई ६ समूहमा विभाजन गरिएको छ । हरेक समूहको शीर्ष र उत्कृष्ट दोस्रो टोली सन् २०२३ मा चीनमा हुने एसियन कप फुटबल प्रतियोगिताका लागि छनोट हुनेछ ।