काठमाण्डौ – दक्षिणी इजरायलमा हमास समूहको आक्रमणमा परी ज्यान गुमाएका १० जना नेपाली विद्यार्थीमध्ये थप एकजना नेपाली विद्यार्थीको शव आज केही समयअघि नेपाल आइपुगेको छ ।
फ्लाइ दुबइको विमानमार्फत आज दिउँसो २ बजे सल्यान सारदा–३ का प्रवेश भण्डारीको शव नेपाल आइपुगेको परराष्ट्र मन्त्रालयका सहसचिव शरदराज आरणले जानकारी दिनुभयो । उहाँले भन्नुभयो, ‘अब बाँकी रहेको डोटी लामिखाल–८ का पदम थापाको शव आज रातिसम्ममा आइपुग्नेछ ।’
दक्षिणी इजरायलमा गएको असोज २० गते अर्थात् ७ अक्टोबरमा हमास समूहको आक्रमणमा पर...
