स्याङ्जा जिल्लाको वालिङ नगरपालिका-१ सिसौघारीस्थित आँधिखोलामा पौडी खेल्ने क्रममा डुबेर बेपत्ता भएका एक जनाको शव सशस्त्र प्रहरीले फेला पारेको छ ।सोही ठाउँ बस्ने १९ वर्षीय संगम रेग्मी पौडी खेल्ने क्रममा बुधबार दिउँसो करिब साढे ४ बजे बेपत्ता भएका थिए । उक्त घटनाबारे जानकारी प्राप्त भए पश्चात् सशस्त्र प्रहरी बल नेपाल नम्बर २४ गण कालिकाबाट सशस्त्र प्रहरी नायव उपरीक्षक उपेन्द्र बस्यालको कमान्डमा खटिएको गोताखोरसहितको टोलीले घटनास्थल भन्दा १०० मिटर तल अन्दाजी १५ फिट गहिराइबाट उनको शव फेला पारेको हो
