ती दिन: जेलर बा

बमबहादुर बस्नेत (९३) को विगत थाहा पाउनेले अक्सर उनीसँग गलकोट राज्यको सेनामा भर्ती भएर काम गर्दाको इतिहास कोट्याउँछन् । पर्वते राजा नारायण मल्लका जेठा छोरा जितारी मल्लले विसं १६३१ मा गलकोटलाई छुट्टै राज्य बनाएको इतिहास छ । विसं १८४४ सम्म २ सय १३ वर्ष स्वायत्त राज्य र त्यसपछि २००७ सम्म बिर्ता पाएको भुरेटाकुरे राज्यमा पर्ने गलकोटको इतिहास बताउने सम्भवतः एक्ला जीवित साक्षी हुन्, गलकोट नगरपालिका वडा नं ५ का बमबहादुर ।