काठमाडौं। नेकपा एमालेले माधव नेपालसहित ३२ जना सांसदसँग स्पष्टीकरण मागेको छ। एमालेले आज पठाउँदै गरेको स्पष्टीकरण पत्रमा “तपाईंलाई सांसद पदबाट कारवाही किन नगर्ने” भन्दै प्रश्न सोधिएको छ। २७ जना संघीय र ५ जना कर्णालीका सांसदलाई स्पष्टीकरण सोधेको एमाले संसदीय दलका प्रमुख सचेतक विशाल भट्टराईले देखापढीलाई बताए। कर्णालीमा माधवपक्षका चार सांसदले ‘फ्लोर क्रस’ गरेर माओवादी नेतृत्वको सरकार जोगाएका थिए।
