कर्णाली प्रदेशका राजनीतिक दलहरूले बालबालिकालाई दलीय प्रचारप्रसारमा प्रयोग नगर्ने प्रतिबद्धता जनाएका छन् । वीरेन्द्रनगरमा ‘बालबालिका, विद्यालय र निर्वाचन’ भन्ने नाराका साथ भएको छलफल तथा अन्तरक्रिया कार्यक्रममा दलका प्रतिनिधिहरूले यस्तो प्रतिबद्धता जनाएका हुन् । बालबालिकाको क्षेत्रमा काम गर्दै आएको ‘सेभ द चिल्ड्रेन’को सहयोगमा शिक्षा पत्रकार समूह कर्णाली प्रदेश समन्वय समितिले आयोजना गरेको कार्यक्रममा चुनावमा दलहरुलाई बालबालिकाको प्रयोग गरिएको विषयमा गम्भीर समीक्षा भयो ।