धनगढी। धनगढी उपमहानगरपालिका–५ को हसनपुर–शिवनगर सडक हिलाम्मे भएपछि स्थानीयले सडकमा धान रोपेका छन्। उपमहानगरपालिकाले उक्त सडक पिच गर्ने भनेर भत्काए पनि काम अगाडि बढाउन ढिलाइ गर्दा वर्षामा समस्या भोग्नुपरेको स्थानीय बताउँछन्। स्थानीय अनिल भण्डारीले तीन वर्षअघि ठेकेदारले कालोपत्रे सडक भत्काएर अलपत्र पारेपछि नगरपालिकालाई पटक–पटक अनुरोध गर्दासमेत सनुवाई नभएपछि विरोधस्वरुप धान रोपेको बताए।
