सुदूरपश्चिममा मिर्गौला पीडितलाई उपचारमा समस्या

मिर्गौला पीडित मनिदेवीको जीवन बचाइदिन आग्रह

मेघराज रिस्मेली, जापान । बाग्लुङ जिल्लाको ढोरपाटन नगरपालिका वडा नं ५ प्याङखोला डाँडा गाउँकी ३४ वर्षीया मिर्गौला पीडित मनिदेवि विकको जीवन बचाइदिन आफन्तले आग्रह गरेका छन् । मनिदेवीको भारतको एक अस्पतालमा बिगत ६ महिनादेखि उपचारत भइरहेको छ । पहिल्यै श्रीमान गुमाएकी चार सन्तानकी आमा मनिदेवीको आर्थिक अवस्था अत्यन्त नाजुक भएकोले उपचारमा समस्या परेको भन्दै सहयोगका लागि अपिल गरिएको हो । उनका श्रीमानको केही वर्षअघि नै खोलाले बगाएर मृत्यु भएको थियो भने ३ छोरी र १ छोरा सानै उमेरका छन् । सामान्य दलित परिवारकी मनिदेवीको बुटवल, काठमाडौं हुँदै उपचारका क्रममा खर्च अभाव भएपछि अहिले भारतमा रहेका उनका आफन्तले केही उपचार गराइरहेको भएपनि ठूलो धनराशी लाग्ने भएकाले उपचारमा समस्या भएको छ । पीडित मनिदेवीलाई बचाउनका लागि जापानमा रहेका केही समाजसेवीहरुको अगुवाईमा रकम संकलन सुरु गरिएको छ हालसम्म केही सहयोग रकम उठेपनि उनको पूर्ण उपचारका लागि थप सहयोग आवश्यक रहेकोले इच्छुक व्यक्तिहरुलाई सहयोगको लागि आग्रह गरिएको छ । सहयोग रकम जापान पोष्ट बैंकको खाता नं १०३६०७०६८९२६१ मा जम्मा गरिदिन हुन आग्रह गरिएको छ ।