नागरिक एप प्रभावकारी बनाउन विद्युत व्यवसायीको भूमिका महत्वपूर्णः मन्त्री गुरुङ

सरकारी सेवालाई प्रभावकारी बनाउन ‘नागरिक एप’– मन्त्री गुरुङ

सञ्चार तथा सूचना प्रविधिमन्त्री पार्वत गुरुङले ‘नागरिक एप’ सार्वजनिक गर्नुभएको छ । मन्त्रालयमा शुक्रबार आयोजित पत्रकार सम्मेलनमा मन्त्री गुरुङले सो एप सार्वजनिक गर्नुभएको हो । सरकारको तर्फबाट नागरिकलाई प्रदान गर्ने सेवा सुविधालाई प्रभावकारी बनाउन सो एप तयार गरिएको मन्त्री गुरुङले बताउनुभयो । सरकारी कामकाजलाई प्रभावकारी बनाउन र त्यसको अनुगमन सहजका लागि एपले महत्वपूर्ण भूमिका खेल्ने विश्वास मन्त्री गुरुङले गर्नुभयो । सरकारको काम नागरिकको हातहातमा पु¥याउन नागरिक एक आजैबाट परीक्षणका लागि सार्वजनिक गर्दछुँ उहाँले भन्नुभयो, “सरकारले शुरु गरेको सेवाहरुको लाभ लिन पनि म सबैमा आग्रह गर्दछुँ ।” “लाइन होइन, अनलाइनबाट २४ घण्टा सरल, सहज र प्रभावकारी सेवाका लागि नागरिक एप” सार्वजनिक गरिएको मन्त्री गुरुङले बताउनुभयो । नागरिक एपबाट प्यान नम्बर प्राप्त गर्न सकिने, एपबाटै डिजिटल सूचना प्राप्त गर्न सकिने उहाँले बताउनुभयो । सरकारका सबै सेवालाई एकीकृततहमा डिजिटलाइज्ड गरी सेवा प्रवाहको व्यवस्था मिलाइएको उहाँले बताउनुभयो । मोबाइलसेट मार्फत कर तिरेको विवरण, नागरिकता, राहदानी, मतदाता परीचयपत्र, नागरिक लगानीको, सञ्चयकोषको जम्मा भएको रकम र ऋणबारे जानकारी लिन सकिने मन्त्री गुरुङले जानकारी दिनुभयो । ‘नागरिक एप’मार्फत हेलो सरकारमा गुनासो गर्न सकिने पनि मन्त्री गुरुङले जानकारी दिनुभयो । सेवा लिन नागरिकले नागरिकता, मतदाता परिचयपत्र वा राहदानीमध्ये कुनै एकको विवरण उल्लेख गर्दा सेवा लिन सकिने मन्त्री गुरुङले बताउनुभयो । सरकारी सेवालाई प्रविधिमैत्री बनाउन एप परीक्षणकालको रुपमा सार्वजनिक गरिएको उहाँले बताउनुभयो । आगामी दिनमा मालपोत, भूमिसुधार, सवारी कर, चालक अनुमतिपत्र आदि विषयसहित नागरिकसँग सम्बन्धित सेवाहरु थपिदै जाने उहाँले बताउनुभयो । एप प्रयोगले सरकारी काम पारदर्शी, भरपर्दो र सुरक्षित हुने उहाँले प्रष्ट पार्नुभयो । इन्टरनेटको पहुँच भएका सबै नागरिकले सेवा सजिलै लिन सक्ने बताउनुहुँदै मन्त्री गुरुङले एप प्रयोगकालागि तालिम, प्रशिक्षणको अभियान पनि सञ्चालन गरिने बताउनुभयो