जेठ १७, काठमाडौं । राधी विद्युत् कम्पनीले १४७ दशमलव ५२ प्रतिशत हकप्रद शेयर विक्री गर्ने भएको छ ।
कम्पनीले प्रस्ताव गरेको ३६ दशमलव ५ प्रतिशत बोनस शेयर पश्चात कायम चुक्तापूँजी रू. ६४ करोड ६४ लाख ४ हजार ६२२ को आधारमा उक्त हकप्रद शेयर विक्री गर्ने भएको हो ।
कम्पनीको आइतवार बसेको सञ्चालक समितिको बैठकले १ बराबर १ दशमलव ४७५२ को अनुपातमा ९५ लाख ३५ हजार ७६० दशमलव ९९ कित्ता हकप्रद विक्री गर्ने निर्णय गरेको हो ।
कम्पनीले हकप्रद शेयरको प्रस्ताव पनि आगामी साधारण सभाबाट पारित गराउने निर्णय गरेको हो ।
कोभिडका कारण ढिलाई भएको कम्पनीको १५ औं वार्षिक साधारण सभा यथासिघ्र सम्पन्न गर्नेसमेत कम्पनीले जानकारी दिएको छ । हाल कम्पनीको चुक्तापूँजी रू. ४७ करोड ३५ लाख ५६ हजार ५०० रहेको छ । सोही पूँजीको आधारमा कर वाहेक उक्त बोनस शेयर वितरण गर्ने निर्णय कम्पनीले गरेको हो ।
