हेटौंडा उपमहानगरपालिकामा राप्रपाका उम्मेदवार दीपक सिंह तेस्रो स्थानमा पुगेका छन् । उनले जारी मतगणनाको सुरुमा प्रभावशाली उपस्थिति देखाएकोमा पछिल्लो मतपरिणाममा भने पछि परेका हुन् ।हेटौंडाको ५८,६५८ मत गणना सकिँदा दिपक बहादुर सिंहले १६,३११ मत पाएका छन् । यस्तै गठबन्धनबाट नेकपा एसकी मेयर उम्मेदवार मिना लामाले १८,२७१ मत पाउँदै अग्रता बनाएकी हुन् । यस्तै एमालेको उम्मेदवार अनन्त पौडेलले १७,०२६ मत पाएका छन् । योसँगै एमाले तोस्रोबाट दोस्रो स्थानमा उक्लिएको छ ।