काठमाडौं (अस) । नेपालका लागि क्लासिक लिजेन्ड्सको अधिकृत वितरक, अग्नि ग्रुपको सहायक कम्पनी अग्नि मोटोइंक प्रालिले थप दुई स्थानमा सोरुम विस्तार गरेको छ ।
कम्पनीले तुल्सीपुर रोड, घोराही–१५, दाङमा जेबीएस अटोमोबाइल्स र धनगढीको बोराडन्डी आर्मी हस्पिटल नजिक े दिवा मोटर्स प्रालि सञ्चालनमा ल्याएको हो । बिर्तामोड, धरान, इटहरी, विराटनगर, लाहान, पोखरा, नारायणगढ, बुटवल, भैरहवा, नेपालगञ्ज, बागलुङ,, वीरगञ्ज र सुर्खेतका विभिन्न शाखा र डिलर स्थापना गरेपछि कम्पनीले दाङ र धनगढीमा नयाँ डिलर नियुक्त गरेको हो ।
जेबीएस अटोमोबाइल्स र दिवा मोटर्स प्रालि सञ्चालनसँगै आसपासकाका ग्राहकले गुणस्तरीय सेवा लिन सक्नेछन् । यी दुई सोरुमबाट जावा, जावाफोर्टी टु र फ्याक्ट्री–निर्मित पहिलो बब्बर पेराक मोडलसहित विभिन्न मोडल बुक गर्न तथा वरिपरिका क्षेत्रमा ‘टेस्टराइड’ गर्न सकिने कम्पनीले जनाएको छ ।