मंसिर ४ गते हुने निर्वाचनमा रामेछापमा माओवादी केन्द्र र नेपाली काँग्रेस रामेछापको प्रतिनिधिसभा कसले लिने भन्नेमा अन्तिमसम्मै छलफलमै रहे । रामेछापबाट श्यामकुमार श्रेष्ठ (कुशल)ले आफूले प्रतिनिधिसभामा पुनः टिकट नपाउने हो भने काँग्रेसलाई छोड्दा हुने भन्दै लविङ गरिरहेकै थिए । कुशल जसरी पनि युवराज चौलागाईलाई रोक्ने मिशनमा थिए भनेर माओवादीकै स्थानीय नेताले स्वीकार गरिसकेका छन् ।यसै शिलशिलामा रामेछापबाट कुशल समूहका केही स्थानीय नेताहरु आएर अध्यक्ष प्रचण्डलाई भेट्न आए । उनीहरुले प्रतिनिधिसभा छोडेर प्रदेशका २ वटै क्षेत्र लिन सुझाव दिए । यसको तारतम्य कुशलले नै असोज दोस्रो हप्ता मिलाएका थिए । रामेछापको प्रतिनिधिसभा माओवादीले छोड्ने, छोड्न प्रचण्डलाई ‘कन्भिन्स’ पनि गराउने तर, यसवापत कान्छारामले प्रचण्डलाई समेत ‘भाग’ पुग्ने गरी केही रकम खर्चिनुपर्ने प्रस्ताव माओवादीबाट प्रतिनिधिसभाका दाबेदार युवराज चौलागाई इतरको समूहबाट काँग्रेस रामेछापका सभापतिसमेत रहेका पूर्णबहादुर तामाङ (कान्छाराम) समक्ष पुगेको स्रोतले दाबी गरेको छ । तर, कान्छारामले भने संघीयता अगाडी जिल्लामा २ वटा निर्वाचन क्षेत्र हुँदा पनि १ नम्बर क्षेत्रमा काँग्रेस पहिल्यैदेखि बलियो रहेको र तत्कालिन २ नम्बर क्षेत्र माओवादीको पकड क्षेत्रबाट गुमिसकेकाले आफूले माओवादीका नेतालाई पैसा दिएर टिकट लिनुनपर्ने जवाफ पठाएको बताइन्छ ।साथै, कान्छाराम तामाङले आफूले रामेछापमा गरेको समाजसेवा नै आफ्नो जितको लागि पर्याप्त रहेको र सहमतिमा टिकट दिए आफूले एमालेका उम्मेदवारलाई सहजै पराजित गर्ने दलिल पेश गरेका थिए । ‘पैसा माग्नेले उहाँ (कान्छाराम)सँग ५ करोड भन्या थिए, प्रचण्डसम्म पुर्याउनुपर्छ भनेर भनेका थिए भन्ने छ, अब प्रचण्डले नै खटाएका हुन् की, के हो त्यो चाहिँ उनीहरु नै जानुन् । कान्छाराम चाहिँ पैसा दिन्न, तर प्रदेश लिने हो भने २ वटै क्षेत्रमा माओवादीका उम्मेदवार जिताउँछु, रामेछापमा चुनाव जित्न हामीलाई नेकपा समाजवादी चाहिँदैन, उसलाई भाग लगाउनु पनि पर्दैन भन्नेमा अडिक रहनु भयो’ स्रोत बताउँछ, ‘गठबन्धन नै हुँदा पनि माओवादीबाट उम्मेदवार बन्ने भनेको कि कुशल, कि युवराज नै थिए । कुशललाई जहाँ पुग्यो, त्यहीँबाट लखेट्ने अवस्था छ, २ पटक सांसद हुँदा पनि काम नगरकोमा गुम्देलदेखि गौश्वारासम्मका मान्छेलाई रिस छ । युवराजलाई कसैले चिन्दै चिन्दैन । त्यहीँ भएर प्रदेश जसरी पनि जिताउने सर्तमा रामेछापको प्रतिनिधिसभा काँग्रेसलाई छोड्न माओवादीका अध्यक्ष प्रचण्ड तयार भएका हुन् ।’ कान्छारामले ‘क्यास’ दिएको नभई गठबन्धन भएकाले प्रदेशसभा सदस्यका लागि माओवादीबाट उम्मेदवार बनेका तारानारायण श्रेष्ठ (क) र युवराज चौलागाई (ख)लाई चुनाव खर्च भने दिने सहमति भएको दाबी स्रोतको छ । ‘ठ्याक्कै यती भन्ने थाहा छैन, तर कान्छारामले बिगुल (तारानायरण) र युवराजलाई चुनाव खर्च अलिअलि दिनु भएको छ । उहाँले बैमान गर्नु भएको छैन, माओवादीलाई भोट हाले हाल, नहाले नहाल, मलाई चाहिँ रुखमा भोट हाल भन्नु भएको छैन, जहाँ पुग्नुभएको छ, त्यहाँ गठबन्धनका उम्मेदवारलाई नै भोट हाल्न भन्नु भएको छ’ स्रोतले भन्यो ।असोज २३ गते उम्मेदवारहरुको मनोनयन दर्ता थियो । टिकट लिन अन्तिम समयसम्म कुर्नु परेकाले उम्मेदवार कान्छाराम अन्तिम समयमा मात्रै मनोनयनका लागि पुगेका थिए ।मनोनयन पश्चात असोज २५ गते कान्छाराम पुनः ५ सिट क्षमताको इक्वेरल हेलिकप्टर लिएर मन्थलीस्थित रामेछाप विमानस्थल ओर्लिए । आजभोली भोट माग्न चुनावी अभियानका क्रममा गाउँ गाउँ पुगेका उनी ‘एमालेलाई भोट नहाले म हेलिकप्टर चढाउँछु, सुर्यमा भोट नहाले गाउँमा कोही बिरामी भए आफैँ हेलिकप्टर लिएर उपचार गराउन लैजान्छु’ भनेर आश्वासन बाँडिरहेका छन् ।‘क’ वर्गका ठेकेदार रहेका कान्छाराम गत निर्वाचनमा पनि प्रतिनिधिसभाकै उम्मेदवार थिए । त्यतिबेला वाम गठबन्धनका श्यामकुमार श्रेष्ठ (कुशल)सँग पराजित भएका थिए ।
.jpg)
