काठमाडौं। नेपाली फुटबलमा पहिलो पटक हुन लागेको फ्रेन्चाईज कप नेपाल सुपर लिग (एनएसएल) का लागि एफसी चितवनले तेस्रो विदेशी खेलाडीको रुपमा सर्वियन मुलका फ्रेन्च स्ट्राइकर गोरान जेर्कोभिचलाई क्लबमा अनुबन्ध गरेको छ। यससँगै चितवनको विदेशी खेलाडीको कोटा पूरा भएको छ। यसअघि चितवनले इजिप्टका दुई खेलाडीलाई क्लब भित्र्याएको थियो। लिगमा एक क्लबले तीन विदेशी अनिवार्य अनुबन्ध गर्नुपर्ने नियम रहेको छ।
