काठमाडौं। झापाको मेचीनगर नगरपालिका–८ मेचेटोलमा हिजो साँझ मोटरसाइकलको ठक्करबाट एकजना पैदलयात्रीको मृत्यु भएको छ। मृत्यु हुने पैदलयात्री स्थानीय ६० वर्षीय वाङठु भन्ने झुलु मेचे रहेका छन्। मोटरसाइकलको ठक्करबाट गम्भीर घाइते उनको उपचारका क्रममा बिर्तासिटी अस्पताल बिर्तामोडमा मृत्यु भएको प्रहरीले जनाएको छ। दुर्घटनामा घाइते भएका मोटरसाइकलमा पछाडी सवार स्थानीय १५ वर्षीय साईमन गिरीको रोशन मेडिकल धुलाबारीमा उपचार भइरहेको छ।
