काठमाडौं । विशाल ग्रुप लिमिटेडले आफ्नो स्वामित्वमा रहेको नेपाल पुनर्बीमा कम्पनीको ५ लाख कित्ता संस्थापक शेयर विक्रीमा ल्याएको छ । कात्तिक १६ गतेदेखि २० गतेसम्म आवेदन पेस गर्न सकिने गरी नेपाल पुनर्बीमा कम्पनीको संस्थापक शेयर विक्रीमा आएको हो ।
यो शेयर खरीदका लागि विद्यमान संस्थापक शेयरधनीलगायत अन्य व्यक्ति तथा संस्थाहरूले आवेदन पेस गर्न सक्नेछन् । यो शेयरको मूल्य प्रतिकित्ता २७७ रुपैयाँ तोकिएको छ । तोकिएको मूल्य वा सोभन्दा बढी मूल्य अंकित गरी न्यूनतम २ लाख कित्तादेखि अधिकतम सम्पूर्ण कित्ता माग गर्न सकिनेछ ।
यी शेयर प्राप्त गर्ने लगानीकर्ताहरूले कम्पनीद्वारा कात्तिक १६ गतेपछि प्रस्ताव गरिने लाभांश तथा हकप्रद शेयरसमेत प्राप्त गर्ने जानकारी कम्पनीले दिएको छ । यी शेयर विक्री प्रबन्धकमा एनआईसी एशिया क्यापिटल लिमिटेड छ ।
