काठमाडौं : एसियन सेन्ट्रल जोन पुरुष तथा महिला भलिबल प्रतियोगितामा नेपालले सहभागिता जनाउने भएको छ। नेपाल भलिबल संघले बंगलादेशमा आयोजना हुने प्रतियोगितामा नेपालको महिला र पुरुष टिमको सहभागिता पक्का भएको जनाएको छ। ढाकामा आयोजना हुने प्रतियोगिता आगामी डिसेम्बर २१ देखि २९ सम्म हुनेछ।प्रतियोगिताका लागि नेपालले छिट्टै महिला र पुरुष टिमको प्रशिक्षण सुरु गर्ने संघले जनाएको छ।
