सिन्धुपाल्चोक : जिल्लाका विभिन्न स्थानमा भारी वर्षा भएको छ। बाढी पूर्वानुमान महाशाखाका अनुसार सिन्धुपाल्चोकको चौतारा, काभ्रेपलाञ्चोकको पाँचखाल, खोपासी र आसपासको क्षेत्रमा भारी वर्षा भइरहेको छ।पछिल्लो एक घण्टामा खोपासीमा ४५.२ मिलिमिटर वर्षा भएको छ्। त्यस्तै चौतारामा ४४ तथा पाँचखालमा ३०.४ मिलिमिटर वर्षा भएको छ। वर्षा भइरहेका स्थानका चाँखोला, झिकुखोला, रोशी खोला, इन्द्रावती लगाएत सो क्षेत्र भइ बहने स–साना नदीहरूमा बहाव बढ्ने भएकाले उच्च सतर्कता अपनाउन अपिल गरिएको छ।
