क्रिकेटको ‘महाउत्सव’ मानिएको नेपाल प्रिमियर लिग (एनपीएल) सुरु हुन अब दुई दिन मात्र बाँकी छ । १५ मंसिरदेखि ६ पुससम्म चल्ने प्रतियोगिताअन्तर्गत हुने सबै खेल काठमाडौंको कीर्तिपुरस्थित त्रिभुवन विश्वविद्यालयको क्रिकेट मैदानमा हुनेछन् । एनपीएलले धेरैभन्दा धेरै दर्शक पाउँदै छ भन्ने कुरा उद्घाटन खेल हुनुभन्दा तीन/चार दिनअघि नै निर्धारित सिट बिकिसक्नुले पुष्टि गरेको छ ।