काठमाडौँ : राजधानीमा जारी शहीद स्मारक ए डिभिजन लिगमा आठपटकको च्याम्पियन मनाङ मर्स्याङदी फुटबल क्लबको खराब लय छैटौं खेलमा पनि कायमै रहेको छ।ललितपुरस्थित अखिल नेपाल फुटबल संघ (एन्फा) मुख्यालयमा भएको खेलमा यसै सिजन बढुवा भएको टोली चर्च ब्वाइज युनाइटेडसँग ३–० गोल अन्तरले पराजित भएसँगै यो सिजन मनाङको खराब लय कायमै रहेको हो। योसँगै मनाङले छैटौँ खेलमा पनि पराजय भोगेको छ।निकै रोमाञ्चक र प्रतिस्पर्धात्मक बनेको खेलमा चर्च ब्वाइजलाई जित दिलाउन अनन्त तामाङ, मौसम सुब्बा र साइमन लिम्बुले एक/एक गोल गरे।
