कात्तिक १७, काठमाडौं । तिहार अघिको अन्तिम कारोबार दिन नेप्से परिसूचक अघिल्लो कारोबार दिनको तुलनामा ५ दशमलव २२ अंकले बढेको छ । २ हजार ८५८ दशमलव ७४ विन्दुबाट शुरु भएको बजार शून्य दशमलव १८ प्रतिशतले वृद्धि भएर २ हजार ८३७ दशमलव ६१ विन्दुमा पुगेर बन्द भएको हो ।
यो दिन कारोबारमा आएका २२९ ओटा कम्पनीको ९९ लाख ९५ हजार ५२२ कित्ता शेयरको ६१ हजार ७४५ पटकमा रू. ६ अर्ब ५५ करोड ३० लाख ५९ हजार १५२ बराबरको शेयर खरीदविक्री भएको छ ।
यो दिन कारोबारमा आएका कम्पनीहरु मध्ये तीन ओटा धितोपत्रको मूल्यमा सकारात्मक सर्किट लागेको छ । महालक्ष्मी विकास बैंक, आईसीएफसी फाइनान्स र साहस उर्जा कम्पनीको शेयरमूल्यमा सकारात्मक सर्किट लागेको छ । महालक्ष्मी विकास बैंकको शेयरमूल्य १० प्रतिशतले बढेको छ भने आईसीएफसी फाइनान्स र साहस उर्जा कम्पनीको शेयरमूल्य ९ दशमलव ९९ प्रतिशतले बढेको छ ।
यो दिन सबैभन्दा बढी शेयरमूल्य घट्ने कम्पनीमा छ्याङ्दी हाइड्रोपावर रहेको छ । उक्त कम्पनीको शेयरमूल्य अघिल्लो कारोबार दिनको तुलनामा ५ दशमलव ५९ प्रतिशतले घटेको छ । कम्पनीको शेयरमूल्य प्रतिकित्ता रू. ४९० मा झरेको हो ।
त्यसैगरी, यो दिन सर्वाधिक शेयर खरीदविक्री नबिल बैंकको भएको छ । उक्त कम्पनीको रू. १ अर्ब १७ करोड ९७ लाख ८६ हजार बराबरको शेयर खरीदविक्री भएको हो । कम्पनीको शेयरमूल्य प्रतिकित्ता रू. १ हजार ६५३ कायम भएको छ ।
कारोबार रकमकै आधारमा सर्वाधिक कारोबार हुने दोस्रो कम्पनीमा महालक्ष्मी विकास बैंक रहेको छ । उक्त कम्पनीको प्रतिकित्ता रू. ८०३ मा रू. ३५ करोड १७ लाख बराबरको शेयर खरीदविक्री भएको छ ।
यो दिन कारोबारमा आएका १३ ओटा समूहमध्ये ५ ओटा समूहको परिसूचक घटेको छ भने बाँकी ८ ओटा समूहको परिसूचक बढेको छ ।
व्यापार समूहको परिसूचक शून्य दशमलव ८३ प्रतिशत, होटल एण्ड टुरिजम समूहको १ दशमलव ८३, निर्जीवन बीमा समूहको शून्य दशमलव ८६ प्रतिशत, जीवन बीमा समूहको शून्य दशमलव ३१ प्रतिशत र लगानी समूहको परिसूचक शून्य दशमलव २७ प्रतिशतले घटेको छ ।
त्यस्तै, बैंकिङ समूहको परिसूचक शून्य दशमलव ४१ प्रतिशत, विकास बैंक समूहको परिसूचक शून्य दशमलव १२ प्रतिशत, हाइड्रोपावर समूहको शून्य दशमलव ७२ प्रतिशत, वित्त समूहको शून्य दशमलव ३९ प्रतिशत, उत्पादन तथा प्रशोधन समूहको शून्य दशमलव ३५ प्रतिशतले वृद्धि भएको छ ।
त्यस्तै अन्य समूहको शून्य दशमलव १५ प्रतिशत, माइक्रोफाइनान्स समूहको शून्य दशमलव ३२ प्रतिशत र म्युचुअल फण्ड समूहको शून्य दशमलव ३१ प्रतिशतले बढेको हो ।
यसअघि छोटो समयमा बजार धेरै घटेकाले लगानीकर्तामा अझै पनि त्रासको भावना देखिएको छ । शेयर बजार तलमाथि भइरहने भएकाले नाफा–घाटाको क्रम पनि चलिरहने गर्छ ।
तसर्थ, लगानीकर्ताले विचार पुर्याएर शेयर कारोबार गर्नुपर्ने हुन्छ । लगानीकर्ताले अल्पकालीन, मध्यकालीन वा दीर्घकालीन कुन अवधिका लागि किन्ने हो यकिन हुन जरुरी हुन्छ । लगानी गरिएका कम्पनीको आधारभूत तथा प्राविधिक पक्ष हेरेर मात्र लगानी गर्दा राम्रो प्रतिफल प्राप्त हुन्छ ।
