शिवम् सिमेन्टका अध्यक्ष गोयल म्यानको प्रथम उप-सभापतिमा निर्विरोध

शिवम् सिमेन्टका अध्यक्ष गोयल म्यानको कार्यकारी समितिको प्रथम उपसभापति

काठमाडौं (अस) । शिवम् सिमेन्टका अध्यक्ष डा. सुरेन्द्रकुमार गोयल नेपाल व्यवस्थापन संंघ (म्यान)को कार्यकारी समितिको प्रथम उपसभापतिमा चयन भएका छन् । बुधवार बसेको संघको सञ्चालक समितिको बैठकबाट गोयल प्रथम उपसभापतिमा निर्विरोध चयन भएका हुन् । यसअघि गत शनिवार भएको संघको निर्वाचनबाट संस्थागत समूहतर्फ शिवम् सिमेन्टका सहित ६ जना समितिको सदस्यमा चुनिएका थिए । यसअघि सन् २०२० मा भएको निर्वाचनमा पनि शिवम् सिमेन्ट संस्थागत समूहतर्फको प्रतिनिधित्व गर्दै संघको कार्यकारी सदस्यमा निर्वाचित भएको थियो ।