दुई थोपा विषले सिंगो पोखरी विषाक्त बनाउँछ : पलाँता अस्पतालको घटनाले दिएको एउटा गम्भीर सन्देश

केही व्यक्तिको गल्तीलाई आधार बनाएर सम्पूर्ण समाजको चरित्र चित्रण गर्नु न त न्यायसंगत हुन्छ, न त जिम्मेवार। संसारका विकसित भनिएका शहरहरूमा पनि स्वास्थ्य संस्था, विद्यालय वा सार्वजनिक सम्पत्तिमाथि आक्रमण हुने गरेका छन्। तर त्यस्ता घटनाका आधारमा सिंगो शहर वा समुदायलाई असभ्य घोषणा गरिँदैन। दोषी व्यक्ति पहिचान गरिन्छ, अनुसन्धान हुन्छ र कानुनअनुसार कारबाही गरिन्छ। यही मापदण्ड कालिकोटका हकमा पनि लागू हुनुपर्छ।