एजेन्सी - चेल्सी पुन: इंग्लिस प्रिमियर लिग अंक तालिकाको चौथो स्थानमा उक्लिएको छ। टोटेनहमलाई १-० ले पराजित गरेपछि म्यानचेस्टर सिटीलाई उछिन्दै चेल्सी चौथो स्थानमा पुगेको हो। एन्जो फर्नान्डेजले गोल गरेपछि चेल्सीले बिहीवार जित निकालेको हो । यसले टोलीले आगामी सिजन च्याम्पियन्स लिग खेल्ने सम्भावना बढायो। टोटेनहमको हारले मुख्य प्रशिक्षक एन्ज पोस्टेकोग्लुमाथि दबाब थपिएको छ ।