प्रतिनिधिसभा र राष्ट्रियसभा आज बस्दै

काठमाडौँ। सङ्घीय संसद्का प्रतिनिधिसभा र राष्ट्रियसभाको बैठक आज बस्दैछ। प्रतिनिधिसभाको बैठक दिउँसो १ बजे र राष्ट्रियसभाको बैठक १ः१५ बजे बस्नेछ। प्रतिनिधिसभामा बालबालिकासम्बन्धी (पहिलो संशोधन) विधेयक, २०८३ माथि विचार गरियोस् भन्ने प्रस्ताव प्रस्तुत हुने सम्भावित कार्यसूची छ। राष्ट्रियसभामा विभिन्न मन्त्रालयसँग सम्बन्धित मौखिक प्रश्नको जवाफ मन्त्रीहरूले दिनेछन्। साथै, सङ्क्रामक पशु रोग (नियन्त्रण) विधेयक, २०८३ सम्बन्धी समितिको प्रतिवेदन पेस हुनेछ। मधेस प्रदेशको खानेपानी, सरसफाइ तथा जलस्रोत व्यवस्थापनसम्बन्धी अध्ययन प्रतिवेदनमाथि छलफल गर्ने विशेष प्रस्ताव पनि प्रस्तुत हुनेछ।