स्थानीय तहमा आर्थिक अनुशासन र पारदर्शिता

स्थानीय तहका सरकारहरू संघीय शासन प्रणालीका आधारस्तम्भ हुन् । स्थानीय तहको सरकार सञ्चालनमा निष्पक्षता, मितव्ययिता, पारदर्शिता र आर्थिक अनुशासन कायम गर्न सकियो भने मात्र लोकतन्त्रको जग झन् मजबुत भएर जान्छ । मुलुकमा अब आर्थिक न्याय समानता र समृद्धिसहित समाजवादको आधार निर्माण गर्ने जुन अभिभारा छ, यस सन्दर्भमा स्थानीय तहका सरकारहरू समाजवादको आधार निर्माणका संवाहक हुन् । मुलुकमा संघीय शासन प्रणालीको थालनीसँगै सिंहदरबारको अधिकार गाउँघरमै भएको छ ।