रामेछाप – बिहान घरबाट विद्यालय पठाएका बालबालिका पढाइ सकेर सकुशल घर फर्किन्छन् कि फर्किँदैनन् भन्ने चिन्ताले मन्थली नगरपालिका–६ भलुवाजोरको डाँडाखर्कका अभिभावकलाई दिनहुँ सताउने गरेको छ ।
मन्थली डाँडाखर्कमा रहेको भिमेश्वर आधारभूत विद्यालयको भवन ‘बाँदर लड्ने’ जस्तै भिरालो जमिनमा छ र विद्यालय परिसरमा तारबारसमेत नहुँदा अभिभावक चिन्तित बनेका हुन् । सुरक्षित भवन, बालमैत्री कक्षाकोठा, बालमैत्री शौचालय, सिर्जनात्मक अभ्यास कक्षा, खेल मैदान विद्यालयको न्यूनतम आधारभूत आवश्यकता हुन् । तर यस विद्...
