जेठ १०, काठमाडौं । साताको दोस्रो कारोबार दिन मंगलवार बजार खुलेको दुई घण्टाको अवधिमा कारोबारमा आएका २१२ ओटा धितोपत्रमध्ये अरुण काबेली पावरको सर्वाधिक धितोपत्र खरीदविक्री भएको छ ।
सो अवधिमा कम्पनीको रू.२ करोड ८० लाख बराबरको शेयर खरीदविक्री भएको हो । कम्पनीको शेयरमूल्य प्रतिकित्ता रू. ४६६ मा कारोबार भइरहेको छ ।
यो समाचार तयार पार्दासम्म नेप्से परिसूचक १८ दशमलव ९० अंक बढेर २ हजार २१९ दशमलव ७८ विन्दुमा पुगेको छ । उक्त अवधिसम्ममा कुल रू. ५६ करोड १५ लाख बराबरको शेयर खरीदविक्री भएको छ ।