काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को व्यक्तिगत ‘मोवाइल एप’ लञ्च गरिएको छ । राष्ट्रिय विज्ञान दिवसका अवसरमा पार्टीको विज्ञान तथा प्रविधि विभागद्वारा आयोजित कार्यक्रममा ‘क–प्रचण्ड’ नामक एप लञ्च गरिएको हो । उक्त एपमा अध्यक्ष प्रचण्ड र माओवादी केन्द्रका गतिविधि, सूचना, जानकारी, सामाजिक सञ्जालहरूकै मोडालिटीमा सहजरुपमा लिन सकिने जनाइएको छ ।
