पश्चिमी वायुको प्रभाव, केही स्थानमा वर्षा र हिमपात हुने

काठमाडौँ । पश्चिमी वायुको प्रभावका कारण देशका हिमाली तथा पहाडी क्षेत्रमा आंशिक बदली रहने भएको छ। मौसम पूर्वानुमान महाशाखाका अनुसार कोशी, बागमती र गण्डकी प्रदेशका पहाडी भू-भाग तथा हिमाली क्षेत्रमा केही स्थानमा मेघगर्जन र चट्याङसहित हल्का वर्षा तथा हिमपातको सम्भावना रहेको छ। तराईका अधिकांश क्षेत्रमा भने मौसम मुख्यतया सफा रहने महाशाखाले जनाएको छ।