चितवन । चितवनको न्यू क्यापिटल कलेज र कलेजको इन्टर्याक्ट क्लबले डिष्ट्रिक्ट अवार्ड प्राप्त गरेका छन् । मिसन शिक्षादीक्षा परियोजनाअन्तर्गत रहेर कलेजले मकवानपुरको राक्सिराङ गाउँपालिका–५ मा रहेको प्रजा जागृत विद्यालयलाई शैक्षिक सामग्री वितरण गरेको भन्दै सो सम्मान प्रदान गरिएको हो ।
सामाजिक सेवामा सक्रिय भएकाले १४५ क्लबबाट उत्कृष्ट छनोट भई रोटरी इन्टरनेशनल डिष्ट्रिक्ट ३२९२ ले उक्त अवार्ड प्रदान गरेको हो । कलेजले संस्थागत सामाजिक उत्तरदायित्वअन्तर्गत विद्यालयलाई ७० हजार रुपैयाँ बराबरको सामग्री सहयोग गरेको इन्टर्याक्ट क्लबका अध्यक्ष दिभ्यस अधिकारीले जानकारी दिए ।
