जेठ २५, काठमाडौं । नेपाल धितोपत्र बोर्डका अध्यक्ष भिष्मराज ढुंगानाले पूर्ण अनलाइन लागू भएपछि धितोपत्रको कारोबार बढेको बताएका छन् ।
नेपाल धितोपत्र बोर्डद्वारा मंगलवार आयोजित २९ औं वार्षिकोत्सवको अवसरमा अध्यक्ष ढुंगानाले पूर्ण अनलाइन बनाएका कारण पूँजीबजारमा लगानीकर्ताको आकर्षण बढेको बताए ।
उनले लगानीकर्ताको आत्मविश्वास बढेका कारण पूँजीबजार भरपर्दो स्रोत बन्न थालेको पनि बताए । उनले धितोपत्र वास्तविक क्षेत्रलाई आकर्षित गर्न बुक विल्डिंग विधि लागू गर्न लागिपरेको बताए ।
उनले पूँजी बजरको सुधार र विवेकशिल लगानीकर्ता तयार गर्न धितोपत्र बोर्डले आगामी वर्ष विशेष कार्यक्रमहरु ल्याउन लागेको बताए ।
धितोपत्र बोर्डले मंगलवार उपप्रधान तथा अर्थमन्त्री विष्णुप्रसाद पौडेलको प्रमुख आतिथ्यतामा वार्षिकोत्सव मनाएको हो । कार्यक्रममा बोर्डको पूर्व अध्यक्षहरु,नेपाल स्टक एक्सचेञ्ज, सीडीएससी,क्रेडिट रेटिंग संस्थाहरु,मर्चेन्ट बैंकर एशोसिएसन, स्टक ब्रोकर एशोसिएसन,लगानीकर्ता संघसंस्था लगायतका प्रतिनिधिको सहभागिता रहेको छ ।