भारतीय अर्थमन्त्री अरुण जेट्लीले अमेरिकी राष्ट्रपति बाराक ओबामाको नाममा घोषित ओबामा केयरको जवाफमा विश्वकै सबैभन्दा ठूलो हेल्थकेयर योजना राष्ट्रिय स्वास्थ्य सुरक्षा योजनाको घोषणा गरेका छन् । यो योजनालाई मोदी केयरको नाम दिन सकिने आर्थिक वर्ष २०१८-१९ लागि गरिएको बजेट भाषणमा उल्लेख गरिएको छ । यो राष्ट्रिय स्वास्थ्य सुरक्षा योजनाअनुसार अब १० करोड गरिब परिवारका लागि बर्सेनि ५ लाख भारुको स्वास्थ्य बिमाको घोषणा गरिएको छ ।
