काठमाडौं प्रहरी परिसरले चिनियाँ पेस्तोलसहित दुई जनालाई पक्राउ गरेको छ । बिहीबार बिहान काठमाडौंबाट कान्छा लामा र विराज तामाङलाई पक्राउ गरिएको परिसर प्रमुख एसएसपी रविन्द्र धानुकले जानकारी दिए ।
जनकपुरधाम – धनुषामा ३८ लाख रुपैयाँसहित एक जना पक्राउ परेका छन्। नगराइन नगरपालिका– २ बाट स्रोत नखुलेको ३८ लाख ३५ हजार रुपैयाँसहित बिहीबार एक जना पक्राउ परेका हुन्। भारतबाट नेपालतर्फ लुकाई छिपाई ल्याउँदै गर्दा लक्ष्मीनिया गाउँपालिका–१ सिनुरजोडका २३ वर्षीय अमितकुमार यादव पक्राउ परेको सशस्त्र प्रहरीका प्रहरी उपरीक्षक नरेन्द्र सेनले बताए।
