कर्णालीमा दशककै भारी हिमपात भएपछि अत्यधिक चिसो बढेको छ । विगतका वर्षमा माघ दोस्रो साताबाट कर्णालीमा तातो हुन्थ्यो । निरन्तरको हिमपातले यस वर्ष अहिलेसम्म पनि अत्यधिक चिसो छ । दोस्रो पटकको हिमपातले चिसो बढेपछि जुम्लामा सयौ भेडाबाख्रा मरेका छन् । अघिल्लो पटकको हिमपातले पातारासीमा झण्डै एक सय भेडाबाख्रा मरेका थिए भने पछिल्लो पटकको हिमपातले सिंजा क्षेत्रमा पनि सयौं भेडाबाख्रा पाटनमै मरेका छन् ।
