गोरखापत्र

जेष्ठ २०७७

वैकल्पिक सिकाइ विधिबाट लाखौँ विद्यार्थी लाभान्वित

सरकारले वैकल्पिक विधिबाट पठनपाठन अगाडि बढाएसँगै विद्यालय तहमा अध्ययनरत लाखौँ विद्यार्थीहरू लाभान्वित हुन थालेका छन् । शिक्षण सिकाइमा प्रयोगमा आउने रेडियो, एफएम, टेलिभिजन, अनलाइन, परियोजना पाठ, स्वअध्ययन, दूर तथा खुला शिक्षालगायतका वैकल्पिक माध्यम वा पद्धतिबाट अध्यापनलाई निरन्तरता दिइएपछि घरमै बसेर विद्यार्थीको सिकाइमा निरन्तरता दिन सकिने अवस्था सिर्जना भएको हो ।

पूर्ण विवरण

सम्बन्धित सामग्री

धनकुटा नगरपालिकामा अत्यावश्यक बाहेकका सेवा एक साता बन्द

वैशाख १९, धनकुटा । धनकुटा नगरपालिकामा कार्यरत कर्मचारीमा कोरोना संक्रमण देखिएपछि धनकुटा नगरपालिकामा अत्यावश्यक बाहेकका सेवा बन्द गरिएको छ । नगरपालिकामा कार्यरत एक कर्मचारीमा कोरोना भाइरसको संक्रमण देखिएपछि नगरपालिकाले प्रवाह गर्ने अत्यावश्यक बाहेकका सेवा वैशाख २० गतेदेखि वैशाख २६ गतेसम्मको लागि बन्द गरिएको नगरपालिकाले जानकारी दिएको छ । धनकुटाको पीसीआर परीक्षण ल्यावमा शनिवार गरिएको पीसीआर परीक्षणमा धनकुटा नगरपालिकामा कार्यरत एक पुरुषमा कोरोना पोजेटिभ देखिएको र अन्य कर्मचारीलाई पनि लक्षण देखा परेकाले थप संक्रमणको जोखिमलाई रोक्न कोरोना संकट व्यवस्थापन समितिको आकस्मिक बैठकले नगरपालिकाले प्रवाह गर्दै आएको सेवा वैशाख २६ गतेसम्मको लागि बन्द गरिएको धनकुटा नगरपालिकाका प्रमुख प्रशासकिय अधिकृत रामबहादुर थापाले जानकारी दिए । यो अवधिमा नगरपालिकाले प्रभाव गर्दै आएको अत्यावश्यक सेवा प्राथमिक स्वास्थ्य सेवाहरु, शहरी स्वास्थ्य क्लिनिक, फोहोर मैला व्यवस्थापन, एम्बुलेन्स, दमकल, नगर प्रहरी, खानेपानी, विपद् व्यवस्थापन लगायतका कार्यहरु भने बन्द नहुने प्रशासकिय अधिकृत थापाले जानकारी दिए । यस्तै, धनकुटा नगरपालिकाले गत वैशाख ८ गते एकजना विद्यार्थीमा लक्षणसहित कोरोना संक्रमण पुष्टि भएपछि एक हप्ताका लागि गरेको नगरभरिका विद्यालयहरुमा विद्यार्थीको भौतिक उपस्थितिमा पढाइ नहुने निर्णय अर्को सूचना जारी नभएसम्मका लागि थपेको छ । धनकुटा नगरपालिकाको कोभिड संकट व्यवस्थापन समिति (सिसिएमसी) को आइतवार बसेको बैठकले विद्यालयमा विद्यार्थीहरुको भौतिक उपस्थितिसहितको पठनपाठन नगर्ने, भर्चुअल वा वैकल्पिक सिकाइ विधिको उपयोग गरी शैक्षिक गतिविधि संकलन गर्ने निर्णय गरेको हो । नगरपालिकाले परीक्षा सञ्चालन भइरहेको विद्यालयहरुमा पनि परीक्षाका सबै गतिविधी रोक्न अनुरोध गरेको प्रशासकिय अधिकृत थापाले जानकारी दिए । धनकुटा नगरभरिका १० वडामा ५३ ओटा सामुदायिक तथा संस्थागत विद्यालय सञ्चालनमा रहेका छन् । एउटै कक्षाका १३ विद्यार्थी संक्रमित धनकुटास्थित इन्स्टिच्युट अफ हेल्थ साइन्सको एउटै कक्षा कोठाका १३ विद्यार्थी संक्रमित भएका छन् । आवासीय रूपमा पढ्न बसेका सबै हेल्थ असिस्टेन्ट (एचए) तेस्रो वर्षमा अध्ययनरत हुन् । यहाँ एचए तेस्रो वर्षमा ४० जना अध्ययनरत रहेको इन्स्टिच्युटका सञ्चालक रामनारायण प्रसादले बताए । उनले भने ‘उच्च सावधानी कायम गरिएको थियो अकस्मात विद्यार्थीहरू बिरामी हुन थालेपछि परीक्षण गराउँदा यस्तो नतिजा आयो ।’ पहिलो र दोस्रो वर्षका विद्यार्थीको परीक्षणको नतिजा भने नेगेटिभ आएको उनले बताए । त्यहाँ कार्यरत प्रशिक्षक तथा कर्मचारी होम क्वारेन्टाइनमा छन् । पोजिटिभ नतिजा आएकामध्ये अधिकांश लक्षणसहितका बिरामी रहेको स्वास्थ्य कार्यालय प्रमुख तुलसीप्रसाद गुरागाईंले जानकारी दिए ।

Aarthik Abhiyan चैत्र २०७७

https://nagariknews.nagariknetwork.com/education/242621-1592166038.html

असार १ गते (आज) बाट वैकल्पिक सिकाइ प्रणालीका माध्यमबाट पठनपाठन हुने भएको छ । सरकारले वैकल्पिक सिकाइ प्रणाली निर्देशिका, २०७७ जारी गर्दै विद्यालय तहका कक्षा १ देखि १० सम्मका ६० लाख विद्यार्थी रेडियो तथा टेलिभिजनबाट पठनपाठन अघि बढाउन लागेको हो । यसका लागि शिक्षा तथा मानव स्रोत विकास केन्द्रले पाठ्यपुस्तक तथा पाठ्यक्रममा आधारित श्रव्यदृश्य सामग्री तयार पारेर आफ्नो वेबसाइटमा समेत राखेको छ ।

नागरिक दैनिक जेष्ठ २०७७