एजेन्सी। एट्लेटिको मड्रिडले स्पेनिस ला लिगाको उपाधि जितेको खुसी मनाउने क्रममा आइतबार बिहान १४ वर्षे समर्थकको निधन भएको छ। चलिरहको गाडीबाट टाउको बाहिर निकालेका उनको पार्किङको गेटमा लागेर मृत्यु भएको स्पेनिस संचारमाध्यमले जनाएका छन्। एट्लेटिको २०१४ पछि पहिलो पटक उपाधि जितेपछि हजारौं समर्थक सडकमा ओर्लिएर खुसी मनाएका थिए। क्लबले मृतकको परिवारप्रति समवेदना व्यक्त गरेको छ।