संकटमा बादी समुदायको माछा मार्ने पुर्ख्यौली पेशा

पेसाबाट विमुख बन्दै बादी समुदाय

मादल बनाउने, माछा मार्ने र सुल्पा बनाउने परम्परागत पेसाबाट बादी समुदाय विमुख बन्दै गएका छन्। बजार अभावका कारण पेसा छाड्न परेको रुकुमपश्चिमका वादी समुदायको भनाइ छ। चौरजहारी नगरपालिका–१ का ७९ वर्षीय केशरे बादीले माछा मारेर, मादल बनाएर, सुल्पा बेचेरै आठ सन्तानलाई हुर्काए। दिनभर खोलामा जाल खेलेर माछा मार्ने र अन्नसँग साटेर दैनिकी गुजार्दै आए तथापि अब समय बदलियो। न मादल बिक्री हुन्छ न माछा। उहाँले भन्नुभयो, “मादल र सुल्पा बिक्री हुनै छाड्यो। माछाको पनि खासै बजार छैन। अब त छोरानातिले पनि यो व्यवसाय गर्न मन पराउँदैनन्।”