भदौ १५, काठमाडौं । नेपाली ई - कमर्स कम्पनी ग्यापु टिकटक हिरोजको उत्कृष्ट ५० जना सहभागीहरूको नाम सार्वजनिक भएको छ ।
करीब ५ हजार ६००जना सहभागीबाट छानिएर ग्यापुले उत्कृष्ट ५० जनाको नाम सार्वजनिक गरेको हो ।
सहभागीहरूले आफ्नो प्रतिभा प्रस्तुत गर्दै सो अवसरमा धेरै राम्रा भिडियोहरू बनाएका थिए । सबैजनालाई आ- आफ्नै हिसाबको भिडियो बनाउने छूट दिइएको थियो । प्रतियोगितामा अब भने केही फरक हुने ग्यापुका संस्थापक सीईओ ज्ञानेन्द्र खड्काले बताए ।
छानिएका ५० सहभागीहरूबाट अब उत्कृष्ट २५ जना सहभागीहरू छानिनेछन् । उत्कृष्ट २५ मा पुग्नको लागि छानिएका सहभागीहरूले फेरी नयाँ भिडियो बनाएर पठाउनुपर्ने हुन्छ । ग्यापुको आधिकारीक टिकटक अकाउन्ट पोस्ट भएका मध्ये जसको भिडियोमा सबैभन्दा धेरै लाइक र भिउज हुन्छ ऊ नै उत्कृष्ट २५ मा पुग्नेछ ।
यस पश्चात हुने ग्राण्ड फिनालेमा उत्कृष्ट तीन जना सहभागी छानिनेछन् । सो उत्कृष्ट तीन पनि पहिलेकै प्रक्रियाबाट छानिने छन् । अर्थात जसको धेरै लाइक र भिउज आउँछ ऊ नै उत्कृष्ट २५ बाट उत्कृष्ट तीनमा पुग्नेछन् ।
