२ वर्ष अगाडिदेखि प्रदर्शनको अलमलमा रहेको फिल्म 'एउटा यस्तो प्रेम कहानी'बिहिबारदेखि प्रदर्शनमा आएको छ । लकडाउनपछि हलमा प्रदर्शन हुने यो पहिलो नयाँ नेपाली फिल्म हो । निर्माण घोषणादेखि यो फिल्म चर्चामा रह्यो । फिल्मका निर्मातासमेत रहेका अभिनेता शिव श्रेष्ठले यही फिल्मबाट छोरा शक्ति श्रेष्ठ र करिश्मा मानन्धरले छोरी कविता मानन्धरलाई डेब्यु गराउने भएपछि चर्चा नचल्ने कुरै भएन ।