कोलकत्ता फुटबल लिग क्लबमा थ्री स्टारका मिडफिल्डर मनग्य नकर्मी अनुबन्धित भएका छन् । भारतीय क्लब खिदिरपुर स्पोर्टिङ क्लबले मनग्यलाई अनुबन्ध गरेको जनाएको छ ।मनग्यले खिदिरपुरसँग सिजनको अन्त्य सम्मका लागि सम्झौता गरेका छन् । नेपाली यु–१६ टोलीका सदस्य मनग्य सन् २०१८ मा थ्री स्टारमा आबद्ध भएका थिए । उनी चौथो संस्करणको साफ यु–१५ च्याम्पियनसिप फुटबल प्रतियोगितामा खेल्ने नेपाली टोलीमा समावेश थिए ।
