राजधानीबाट नजिकै रहेको हिमाली जिल्ला दोलखाको गौरीशंकर गाउँपालिका –९ मा पहिलो पटक बिजुली पुगेको छ । भौगोलिक विकटताले हालसम्म यो वडाको कुनैपनि गाउँमा सडक पुर्याउन नसके पनि बिजुली आउने भएपछि यहाँका स्थानीय खुशी भएका छन् । ठेकेदार कम्पनी काली ह्युल्सा जेभीले तीन करोड रुपियाँमा ठेक्का सम्झौता गरी रिकुदेखि सुरमुच्चे, क्याल्चे, डोगाँङ, ढाङठिङ हुँदै वेदिङसम्म प्रसारण लाइन विस्तार गरेको हो ।